Derrota clara do Tenis de Mesa Monte Porreiro en casa do San Sebastián de los Reyes, que se impuxo nos momentos clave para gañar finalmente 4-1.
O partido comezou cun dominio claro por parte do equipo madrileño. Tiago Sousa e Bentancor cederon ante Vladislav Ursu e Takahiro Aoyama, e os locais subiron o 2-0 ao marcador. O primeiro deles perdeu tras catro mangas, e o segundo en cinco.
Os pontevedreses non se renderon e lograron reducir diferenzas por medio de Vílchez, pero nos dous últimos enfrontamentos, o Sanse sentenciou coas vitorias de Vladislav e Rafael de las Heras diante de Bentancor e Tiago Sousa, respectivamente. Ambas foron en catro xogos.
O próximo encontro do TM Monte Porreiro será o 16 de abril no Pavillón Príncipe Felipe contra o líder Priego TM.
Consulta a acta do partido nesta ligazón