Segunda vitoria da tempada para o Tenis de Mesa Monte Porreiro na Superdivisión Masculina, superando con contundencia ao TM Parla por 4-0.
Non tivo rival o equipo pontevedrés, con Miguel Ángel Vílchez e Martín Bentancor sumandos dous puntos iniciais en senllos partidos nos que non cederon ningún xogo fronte a Miguel Ángel Pantoja e Marc Mirou, respectivamente.
Os puntos do Monte Porreiro chegaron da man de Leandro Nahuel e, de novo, Bentancor, que venceron a Xavier Peral e Pantoja por 3-2.
O cadro pontevedrés suma así un importante triunfo para colocarse na quinta praza da clasificación, igualado a puntos co San Sebastián de los Reyes, L'Escala e Universidade de Burgos.
O seu próximo enfrontamento será o 4 de novembro en casa do Irún Leka Enea, clasificado en 11 posición con dous partidos perdidos e un empatado.