Superado o ecuador da competición, o equipo sénior feminino do Club Voleibol Pontevedra iniciou con bo pé a segunda volta da competición na Primeira División Galega.
O CVP Alianza Española SA de Seguros conseguiu unha clara vitoria ante o DompaVolei de Ourense que lle coloca sétimo con 12 puntos e faille ampliar a súa marxe sobre os últimos postos.
As pontevedresas superaron un igualado primeiro set, que gañaron 23-25 desatascando o encontro, xa que o rival opuxo menos resistencia desde entón pechando o partido cun tenteo de 9-25 e 18-25.
Foi unha xornada dobremente positiva para o CVP, xa que puido dar minutos a xogadoras do equipo xuvenil.
Antes de pechar o ano, o Voleibol Pontevedra aínda recibirá o vindeiro sábado 22 de decembro ao Zalaeta da Coruña nun partido que se disputará no Centro Galego de Tecnificación Deportiva.