Despois dunha tempada irregular, o Waterpolo Galaico afronta dende este sábado 11 de abril as semifinais polo título galego.
Faino co primeiro partido do play-off recibindo no Centro Galego de Tecnificación Deportiva (16:45 horas) ao CW Santiago, segundo clasificado da liga regular.
Os pontevedreses, campións das dúas últimas tempadas, loitarán por meterse na final e manter o seu título co factor cancha en contra.
A semifinal disputarase ao mellor de tres partidos, sendo o primeiro o único que terá lugar na cidade de Lérez.
Tras o choque dos sénior, o CGTD acollerá tamén o primeiro partido do play-off polo título en categoría infantil.