A liga arrincou esta fin de semana para o Club Waterpolo Pontevedra co seu debut na categoría de prata nacional con derrota ante un dos favoritos para o ascenso, o Real Canoe NC.
Foi un día histórico para o cadro pontevedrés, non só por ser o primeiro club galego participante nunha Liga Nacional de waterpolo Feminina, senón que plantaron cara ao cadro madrileño e puxérono contra as cordas, polo menos na primeira metade.
E é que as de Kike García conseguiron irse ao descanso dominando no marcador por 5-6, pero as grandes favoritas aproveitaron a súa poderío físico e experiencia na categoría para dobregar ás de Pontevedra e facerse coa vitoria por un contundente 18-8.