Chega o momento máis importante da tempada para o Club Waterpolo Pontevedra, co inicio da fase pola permanencia na Primeira División Nacional.
O conxunto pontevedrés buscará a súa continuidade en categoría nacional en oito xornadas frenéticas e dentro dun grupo no que reina a igualdade.
Ao contar os resultados conseguidos na primeira fase ante os rivais directos, só dous dos oito equipos da liguiña pola permanencia arrincan con certa vantaxe para escapar das dúas últimas posicións que supoñen o descenso.
Trátase de Alcorcón e Turia, ambos os dous con 15 puntos. Tras eles o Montjuic conta con 9 puntos, o CW Pontevedra con 8, con 7 aparecen Elx e Leioa, con 6 puntos o Dous Hermanas e por último con 5 puntos a EW Zaragoza.
Na primeira xornada da fase decisiva o Waterpolo Pontevedra visitará este sábado 2 de marzo (16.00 horas) a piscina do CN Montjuic.