O xogador do Tenis de Mesa Monte Porreiro Matías Bentancor atópase en Burgos concentrado coa Selección Española para participar no Euro Mini Champs, a mellor competición de Europa de categorías inferiores.
A concentración leva a cabo entre os días 6 e 12 de agosto co obxectivo de realizar un seguimento detallado a estes talentos para a súa próxima participación na cita continental, Euro Mini Champs 2023.
Entre os deportistas convocados para esta semana de adestramentos atópanse, na categoría masculina: Matías Bentancor, Joan Granados, Ladimir Mayorov e Mateo Lois. Polo lado feminino, foron seleccionadas Eloisa Barreda, Esther Hasek, Jiaqi Guo e Renata Shypsha.
A cargo desta iniciativa están os técnicos Eduard Mayorov e Francisco Javier Berzosa.