Cada día está máis preto de pechar o seu plantel o Peixe Galego para competir na Liga LEB Prata.
O club marinense confirmou este venres a incorporación dunha nova peza para reforzar o seu xogo interior, o pívot Santi Lorenzo.
Ex-xogador do Instituto Rosalía na Liga EBA, Lorenzo competirá por achegar o máximo de minutos posibles xunto a Antonio Pantín e o xamaicano Vashil Fernández.
Coa súa chegada Javi Llorente conta xa con nove nomes confirmados, ao sumarse aos citados Pantín e Vashil Fernández e a Juanchi Orellano, Jorge Romero, Pablo González, Víctor Holmberg, Jacobo de Benito e Gerard Sevillano.