Malas noticias para o Poio Pescamar no momento decisivo da tempada.
Èlia Gullí lesionouse de gravidade no primeiro encontro do play-off disputado a pasada fin de semana en Navalcarnero.
A xogadora conserveira non puido concluír o partido tras un mal movemento do seu xeonllo, e as probas médicas ás que foi sometida estes días confirmaron os peores prognósticos.
Segundo confirma o Poio Pescamar, Èlia sofre a "rotura completa do lugamento cruzado anterior do xeonllo esquerdo".
Ademais, engade o parte médico, hai que sumar unha "rotura parcial do ligamento lateral interno, ademais de lesións asociadas propias do mecanismo do traumatismo".
Parte médico de Èlia.#PoioPescamar pic.twitter.com/C9qNU5RJZf
— Poio Pescamar FS (@PoioPescamarfs) June 11, 2026
Á xogadora vermella non só se lle acaba a tempada, despedíndose do play-off polo título, senón que deberá pasar por quirófano e afrontar unha longa convalecencia.
Esta noticia chega apenas uns días antes de afrontar o segundo encontro da serie co Atlético Navalcarnero.
O Poio, coa necesidade de gañar, recibirá este sábado 13 de xuño (16.15) o conxunto madriileño na Seca.