O xogador do Real Club Celta de Vigo Javi Rodríguez, é un do nove futbolistas chamados por Luís de la Fuente como apoio para completar os adestramentos da selección española na súa preparación mundialista.
Será a primeira convocatoria internacional do defensa poiense, que até o momento non fora citado, nin sequera en categorías inferiores.
O canteirán celeste concentrarase con España desde o próximo 30 de maio até o 4 de xuño, data na que o equipo disputará un amigable fronte a Iraq no estadio de Riazor.
Javi Rodríguez estará acompañado neste grupo de apoio por Beñat Turrientes (Real Sociedad), Javi Guerra (Valencia), Jesús Rodríguez (Como), Leo Román (Mallorca), Marc Bernal (Barcelona), Gonzalo García (Real Madrid), Jon Martín (Real Sociedade) e Sergio Gómez (Real Sociedad).
A convocatoria principal da selección española estárá formada por 26 futbolistas Unai Simón, David Raya e Joan García en portaría e Pedro Porro, Marcos Llorente, Aymeric Laporte, Pau Cubarsí, Marc Pubill, Eric García, Marc Cucurella e Alejandro Grimaldo en defensa.
O centro do campo intégrano Rodrigo Hernández, Martín Zubimendi, Pedri, Fabián Ruiz, Dani Olmo, Mikel Merino, Gavi e Álex Baena, con Lamine Yamal, Yeremy Piñeiro, Ferrán Torres, Mikel Oyarzabal, Borja Iglesias, Nico Williams e Víctor Muñoz para o ataque.