O Poio Pescamar logrou un novo triunfo (1-3) na súa visita ao Les Corts e encadeou a súa cuarta vitoria consecutiva, que le premite consolidarse na zona alta da táboa.
Todos os goles caeron na primeira parte, aínda que na segunda ambos os equipos tiveron ocasións para mover o marcador.
O dominio visitante impúxose desde o asubío inicial. Aos dous minutos, Chuli abriu o marcador tras un preciso centro de Ale de Paz desde a dereita, pillando completamente desprevindo ás xogadoras locais.
O Poio Pescamar continuou en busca do segundo gol, que non tardou en chegar tras unha gran xogada colectiva. Carolina Bravo fixo un dobre chapeu e Débora Lavrador rematou de cabeza ao fondo da rede para o 0-2.
🟣En Barcelona
— ZonaFutsal (PoioPescamarfs gana ao descanso 1-3 aMamutsLesCorts cun recital de bo fútbol sala.
🟣Este golazo de Débora Lavrador con dobre chapeu 🎩de Carolina Bravo é sensacional!!#FútbolSalaFemenino
📺RFEF pic.twitter.com/sSOdLxPQ50infozonafutsal) January 17, 2026
O terceiro chegou aos 15 minutos de xogo noutra triangulación de todo o equipo. Carolina enviou o esférico ao segundo pau e Ale de Paz definiu para establecer o 0-3 que deixaba o partido encarrilado.
Parou o tempo o equipo local para reverter a situación, e atopou o seu premio cando restaban tres minutos e medio para o descanso. Ona aproveitou un erro na saída de balón de Carolina Bravo en campo propio e bateu a Elena para reducir diferenzas (1-3)
Despois do paso polos vestiarios, ambos os equipos xeraron perigo nas dúas portarías, pero ningún foi capaz de volver mover o marcador. Si que o fixeron as locais, que viron como Luci Gómez anotaba o 2-3, pero o tanto foi anulado.
A próxima xornada, o Poio Pescamar recibirá na Seca ao STV Roldán, rival directo na zona alta da clasificación.
Sen ir máis lonxe, murcianas e conserveiras ocupan a segunda e terceira praza, respectivamente, empatadas a 31 puntos.
Consulta a acta neste enlace