O Club Ciclista Ponte1Reto completou a súa carreira máis importante da tempada, a de cumprir co seu obxectivo solidario.
Atrás quedan os quilómetros completados coa satisfacción de poder entregar, por segundo ano consecutivo, unha bicicleta adaptada para os usuarios de Amencer-Aspace.
En concreto Ponte1Reto fixo entrega dun triciclo adaptado que se poderá utilizar a partir de agora no Programa Rodando que realiza a asociación.
Os fondos necesarios para comprar este triciclo adaptado saíron da campaña de crowdfunding habilitada polo gran reto do Camiño de Juan.
O equipo ciclista, cumprido o obxectivo, pensa xa en seguir colaborando con Amencer e o Programa Rodando conseguindo ampliar aos poucos o seu parque de bicicletas adaptadas.