Por segunda vez Pontevedra será escenario do máximo evento do karate nacional, o Campionato de España Absoluto.
A Boa Vila aparece como sede designada para a competición nacional no anteproxecto de calendario feito público pola Real Federación Española de Karate.
En concreto segundo este documento o Campionato de España Absoluto e o Campionato de España de Parakarate celebraranse os días 28 e 29 de marzo de 2026.
Terán como sede o Pavillón Municipal dos Deportes.
Pontevedra xa acolleu esta competición no ano 2024, congregando entón a medio milleiro de deportistas nunha cita de gran nivel, na que participaron campións europeos e do Mundo.
Nos últimos anos o Municipal foi sede de diversos eventos de karate a nivel estatal.
Destacan entre eles competicións como o Campionato de España Cadete, Júnior e Sub-21 en 2022 ou máis dunha proba da Liga Nacional, incluíndo a gran final en 2024.
O Campionato de España Absoluto de Karate será un dos grandes eventos deportivos dun ano 2026 no que sobresaen na Boa Vila a celebración Copa do Mundo de Natación Artística e a Gran Final das Series Mundiais de Tríatlon.