Xornada de traballo para avanzar na organización do Campionato do Mundo Sub-20 de Loitas Olímpicas que se celebrará o próximo mes de setembro en Pontevedra.
Este mércores visitaron a Boa Vila varios representantes federativos, entre os que destacaba o vicepresidente da Federación Internacional de Loita (UWW), Theodoros Hamakos.
Ademais de puír detalles organizativos do evento, a delegación federativa reuniuse no Concello co alcalde de Pontevedra, Miguel Anxo Fernández Lores.
Cabe destacar que neste Mundial daranse cita entre o 2 e o 8 de setembro ao redor de 2.000 deportistas procecentes de ata 84 países.