Iker Alegre terá que esperar uns días para coñecer o alcance exacto da preocupante lesión que se produciu no transcorro do partido do domingo en Santander.
O futbolista granate retirouse lesionado antes do descanso tras unha acción na que notou "un chasquido" no seu xeonllo.
Este luns, xa en Pontevedra, Iker pasou revisión co médico do club, o doutor Barragáns, pero deberá agardar ata o xoves para realizar unha resonancia magnética que revele a magnitude da doenza, unha vez que diminúa a inflamación na zona.
Iker Alegre: "Parece que la rodilla está estable pero no puede asegurarlo"
"Parece que la rodilla está estable pero no puede asegurarlo", explicou o centrocampista a PontevedraViva tras a primeira exploración.
As sensacións son "parecidas a las de la otra vez", sinala en relación ao esquince que se produciu en pretempada ante o Lugo, pero "igual estoy un poco más dolorido".
O que é seguro é que Iker Alegre perderase, no mellor dos casos, polo menos un par de xornadas de liga, empezando pola visita do Palencia a Pasarón o vindeiro domingo 11 de setembro (18:00 horas).