Á sexta chegou a primeira derrota do curso para o Tenis de Mesa Monte Porreiro na Superdivisión masculina.
O conxunto pontevedrés visitaba como colíder o Universidad de Burgos, e a súa derrota (4-1) faille ceder o primeiro posto da máxima categoría ao seu rival caendo ao terceiro lugar con 9 puntos.
O Visit Pontevedra arrincou ben o seu enfrontamento en Burgos, cunha axustada vitoria do Miguel Ángel Vílchez por 2-3 sobre o inglés David McBeath.
Con todo o Monte Porreiro non puido manter a vantaxe cedendo os catro seguintes puntos en xogo e certificando o seu primeiro revés do curso.
A próxima xornada (domingo 19 de novembro) o equipo adestrado por Nando Álvarez recibirá no pavillón de Príncipe Felipe o San Sebastián de los Reyes, décimo clasificado con 3 puntos.