O peche da Copa de España de piragüismo de 200 e 500 metros celebrada durante o fin de semana no encoro de Pontillón do Castro volveu contar con protagonismo galego e en especial pontevedrés no peche da competición.
De novo Adrián Sieiro (Piragüismo Poio), que o sábado se impuxera en C-1 500 selando a súa clasificación para o Mundial de Milán, tivo un papel destacado gañando o C-2 500 co seu compañeiro de equipo Sergio Vallejo, quen ademais foi segundo no C-2 200 con Daniel Durán.
Siero e Vallejo dominaron os 500 metors por diante de José Luis Bouza e Brais Casas (Kayak Tudense) que foron segundos e José Manuel Sánchez e Miguel López (Ría de Betanzos), terceiros.
Pola súa banda en categoría feminina dominaron as pontevedresas Jenifer Casal e Raquel Rodríguez (Ciudad de Pontevedra), impoñéndose nas probas de parellas de 200 e 500 metros con autoridade.
Na clasificaciónpor equipos da Copa de España o Piragüismo Poio foi quinto e o Ciudad de Pontevedra sexto.