O Tenis de Mesa Monte Porreiro vén de lograr un meritorio ascenso a Superdivisión Feminina tras imporse o pasado fin de semana ao San Sebastián de los Reyes no play-off disputado no Pavillón Príncipe Felipe (4-0).
Este ascenso do conxunto lerezano á máxima categoría nacional é, sen dúbida, unha das grandes noticias para o deporte pontevedrés.
E como é habitual, un gran mérito deportivo vén acompañado de homenaxes e recibimentos que poñen en valor o gran éxito conseguido.
É por iso que o Pazo Provincial da Deputación foi escenario dun recibimento oficial por parte do vicepresidente provincial, Rafa Domínguez, ás xogadoras do equipo lerezano este xoves.
Domínguez quixo felicitar as xogadoras e corpo técnico polo ascenso e, ademais, destacou que se trata dun éxito histórico. Doutra banda afirmou que "levarán o nome de Pontevedra e da provincia á elite do tenis de mesa español"
O vicepresidente provincial puxo en valor o esforzo do club ao longo dos últimos anos e sinalou que este ascenso responde "o traballo, a constancia, a disciplina e o traballo en equipo".
E é que este traballo se corresponde cos grandes éxitos deportivos que levaron ao club a ter o seu equipo masculino na máxima categoría durante oito anos e, agora, a ter a ocasión de dar a mesma oportunidade ao equipo feminino.
Respecto diso, desde o club móstranse optimistas e con opcións de poder facer fronte ao gasto que supón ter a un equipo nesta categoría.
Recibimento ao Tenis de Mesa Monte Porreiro no Pazo Provincial da Deputación
Recibimento ao Tenis de Mesa Monte Porreiro no Pazo Provincial da Deputación
Recibimento ao Tenis de Mesa Monte Porreiro no Pazo Provincial da Deputación
Recibimento ao Tenis de Mesa Monte Porreiro no Pazo Provincial da Deputación
Recibimento ao Tenis de Mesa Monte Porreiro no Pazo Provincial da Deputación
Recibimento ao Tenis de Mesa Monte Porreiro no Pazo Provincial da Deputación