O equipo de cross curto da Gimnástica afronta este domingo, 1 de marzo, en Cáceres o Campionato de España de Campo a Través por Clubs.
A entidade pontevedresa intentará repetir a histórica medalla de prata lograda hai un ano en Oropesa del Mar, aínda que a tarefa non será sinxela.
A Gimnástica despraza a terras estremeñas seis atletas, pero só tres repiten con respecto ao pasado ano.
Un deles é David Martínez, terceiro en liña de meta hai un ano. Tamén estará Iván Docampo, que puntuou entrando no posto 40, e Sergio García, aos que se unen Víctor García, Francisco Javier Iglesias e Emilio Martín.
Entre as ausencias importantes con respecto a 2014 encóntranse Víctor Riobó (décimotercero en Oropesa) e Robertas Geralavicius (décimosexto), ademais de Pablo Díaz.