O Marín Futsal segue sen levantar cabeza na liga. as galegas afrontaban coa moral polo teito a visita ás murcianas do Alcantarilla tras a vitoria na primeira volta da Copa da Raíña. Con todo, o conxunto de Ramiro Díaz sufriu unha clara derrota por catro goles a un.
A pesar da boa actuación dos visitantes na primeira metade, na que dispuxeron de varias ocasións de gol, acudiron aos vestiarios coa conta anotadora a cero.
Na segunda metade, as marinenses acusaron o cansazo do longo percorrido e, xa co marcador en contra, arriscaron para recortar a diferenza que aproveitou o rival para conseguir un triunfo.
As marinenses xa pensan no próximo duelo na Raña, no que buscarán pechar o ano cunha vitoria necesaria para manterse na zona tranquila da táboa.