É oficial. A videoarbitraxe chega á Primeira Federación e por tanto aos partidos esta tempada do Pontevedra Club de Fútbol.
A Real Federación Española de Fútbol (RFEF) fixo oficial este xoves a implantación do sistema Football Vídeo Support (FSV), unha especie de VAR pero máis limitado.
"A ferramenta non leva a participación dun equipo arbitral de vídeo polo que os adestradores serán os encargados de solicitar a revisión das decisións ou incidencias dun partido", explica a Federación.
En concreto poderán solicitar a súa intervención en accións decisivas de gol ou non gol, posibles penaltis, cartóns vermellos directas ou confusións de identidade.
"Para solicitar a revisión, os adestradores deben entregar un cartón ao cuarto árbitro no mesmo momento no que se produza a acción. Cada equipo conta con dúas solicitudes de revisión por partido e no caso de que a decisión sexa corrixida, o club implicado recupera a solicitude", engade na súa explicación o organismo federativo.
Unha vez que se realice a solicitude de intervención esta non poderá retirarse.
As revisións realizaranse xunto ao terreo de xogo nun monitor que se habilitará para o árbitro principal.
A RFEF resumiu a aplicación e normas que seguirá o Football Vídeo Support (FSV).