O Pavillón Municipal dos Deportes de Pontevedra será escenario o vindeiro sábado, 28 de novembro, do segundo Torneo Cidade do Lérez de ximnasia rítmica, organizado polo Club Treobada.
A cita dá "un salto de calidad" con respecto á súa primeira edición, segundo defende Carmelo Vázquez, presidente do club pontevedrés, ao reunir "a los mejores equipos de Galicia y al mejor de España en categoría infantil y junior".
En total serán 37 os clubs que compitan en Pontevedra, 210 ximnastas desde a categoría benxamín ata a senior na modalidade de conxuntos.
Será en horario matinal, de 10:00 a 13:00 horas, pero cunha programación que pola tarde se completa cun clinic de formación para adestradoras e tamén para as propias ximnastas.
A aspiración do Treboada é converter o Cidade do Lérez nunha referencia da ximnasia rítmica no norte peninsular, polo que traballarán en seguir subindo o seu nivel para atraer aos mellores clubs nacionais e tamén buscar a participación estranxeira.