A competición no Grupo I da Segunda División B, no que milita o Pontevedra, pode verse alterada pola acción que pretende levar a cabo a FIFA contra o Real Racing Club.
Segundo desvela Sergio Fernández no Diario Marca, o máximo organismo internacional ten decidido sancionar ao club cántabro coa perda de seis puntos pola débeda que mantén co Panathinaikos grego desde 2009, a causa da fichaxe do central sudafricano Nasief Morris.
Ese traspaso roldou os 150.000 euros, pero a cantidade adebedada na actualidade roldaría os 75.000 euros.
O caso é similar ao que a pasada tempada terminou coa perda de tres puntos para o Almería, que terminou descendendo de Primeira a Segunda División.
O Racing marcha actualmente na novena praza do grupo con oito puntos, polo que de perder seis situaríase con só dous, por baixo do Pontevedra de xeito provisional.
O club santanderino pedirá asesoría á Real Federación Española de Fútbol, segundo Marca, ao entender que se trata dunha débeda previa ao concurso de acreedores polo que atravesou a entidade.