Novo metal para o xa extenso palmarés de Sergio Trotiño.
O deportista do Mat's de Marín segue a progresar no ranking internacional de taekwondo tras os puntos sumados no Open de Canadá celebrado na localidade de Montreal.
Alí o marinense logrou a medalla de prata na súa categoría (-87 quilos) e quedou realmente cerca do ouro.
Troitiño superou nos cuartos de final de maneira contundente o colombiano Marlon Kisisely Pérez (13-0, 12-0), e fixo o propio nas semifinais contra o canadense Charlelie Mercier (15-1, 13-8).
Así s eplantó nunha final na que o rival era o estadounidense Michael C. Rodríguez.
En triunfo no Open de Canadá decidiuse nun exixente combate a tres asaltos, no que Sergio Troitiño terminou cedendo nos últimos segundos (3-10, 5-4, 6-8).
Unha nova medalla por tanto para un Troitiño que entre os seus éxitos recentes pode presumir de terse proclamado campión de España absoluto e tamén campión europeo sub-21.
En Montreal outras dúas deportistas galegas subiron ao podio, co ouro de Alma Pérez (-53, Costado TKD Boiro) e a prata de Tania Castiñeira (+73, Hebe).