A parella formada polos padeeiros Sergio Vallejo e Adrián Sieiro, ambos os do Club Piragüismo Poio, non lograron subir ao podio na última xornada da Copa do Mundo de Sprint que celebrou esta fin de semana en Belgrado (Serbia). Pero estiveron preto.
Os pontevedreses finalizaron en cuarta posición na proba de C2 500 metros.
Cun tempo de 1:48.452 cederon o podio ás embarcacións de Polonia, Moldavia e Kazakhstan. Destes últimos quedaron a tan só catro décimas de segundo.
Sergio Vallejo e Adrián Sieiro colgaron a medalla de bronce, na xornada do sábado, ao quedar en terceira posición na proba de C2 1.000 metros.
Con esta praza, a embarcación clausura o seu ciclo mundialista que complementa co bronce nos 500 metros logrados en Szeged (Hungría), a fin de semana pasada.
O mellor resultado para os deportistas pontevedreses nesta xornada foi o bronce de Roi Rodríguez (Kayak Tudense) na proba de K1 500 metros.