O alcalde de Soutomaior, Manu Lourenzo, e a técnica de Deportes, Raquel Villaverde, presentaron este martes a primeira edición da carreira 7K Soutomaior e a Carreira Infantil da Ostra.
Ambas as citas terán lugar o domingo 29 de marzo e contarán coas categorías femininas e masculinas Master A (39-49 anos), Master B (50-60 anos), Master C (máis de 61 anos), Sénior, Sub 20, Sub18, Sub 16 e infantil.
A 7K celebrarase en horario de 11:00 a 12:00 horas, con saída desde o Castelo de Soutomaior e chegada ao Peirao de Arcade, onde, a partir das 12:00, collerán a substitución os máis pequenos do Concello para correr na proba infantil.
As inscricións para a carreira absoluta estarán abertas a partir das 16:00 horas deste martes, cun máximo de 300 participantes.
Haberá premios en todas as categorías, ademais dun premio especial para o tres primeiros corredores locais empadroados no Concello de Soutomaior. As persoas participantes tamén recibirán unha camiseta técnica conmemorativa.
Para facilitar o desprazamento, a organización habilitará un servizo de lanzadeiras o día da carreira desde a zona de meta até a zona de saída.
O servizo estará operativo ás 9:00 horas, 9:30 horas e 10:00 horas e deberá ser solicitado no momento da inscrición.
O uso da lanzadeira, así como a inscrición, será gratuíto e estará destinado exclusivamente aos participantes rexistrados, quedando excluídos acompañantes ou outras persoas non acreditadas.
A organización tamén disporá do servizo de guardarropa na zona de saída e as bolsas serán trasladadas e recollidas posteriormente na zona de meta.
No caso da carreira infantil, as inscricións tamén serán gratuítas e estarán dispoñibles desde o 9 até o 22 de marzo.
É unha carreira que ten como obxectivo a participación e que busca favorecer a inclusividad.
Desde o Concello sinalan que esta carreira adaptada adecúase ás necesidades de cada persoa polo que a persoa participante con diversidade funcional e con necesidades especiais realizará un percorrido exclusivo de aproximadamente 150 metros. Estas medidas están incluídas dentro do programa 'Soutomaior Inclusivo'.
As persoas con diversidade funcional serán as pequenas en participar na carreira, seguidos dos máis pequenos da casa (Biberón B), que percorrerán unha distancia de 50 metros. A continuación correrán o Biberón A (150 metros), Prebenjamines (300 metros), Benjamines (400 metros), Alevíns (500 metros) e Infantís (600 metros).
Nesta edición a carreira tamén será solidaria, xa que proporcionará visibilidade e a posibilidade de colaborar coa Asociación Anedia (Asociación de Nenas, Nenos e Xente Nova con Diabetes de Galicia).
As persoas participantes na 7K poderán recoller os dorsais o día da proba na zona de saída en horario de 9:00 a 10:40 horas, mentres que para a carreira infantil a recollida poderase realizar no pavillón do 23 ao 27 de marzo (16:30 a 21:30 horas) ou o propio día da carreira na caseta do Peirao (10:00 a 11:00 horas).