O Arosa logrou este domingo a súa terceira vitoria consecutiva en liga á conta dun Paiosaco que arrincou moi ben a competición.
O equipo de Luisito disputou un dos mellores encontros na Lomba e parece que empeza a despegar, acurtando aos poucos a distancia cos postos de arriba.
Borja Míguez foi o autor do único gol dun choque no que o Arosa gozou de infinidade de ocasións pese ao estado do terreo de xogo.
Con estes tres puntos, os arlequinados sitúanse na sétima praza con 16 puntos, a tan só 6 do líder Somozas e a tres de Bergantiños e Alondras, segundo e terceiro respectivamente.