A Selección Española de Fútbol deu a coñecer o nome das 25 futbolistas que representarán ao equipo nacional na quinta e sexta xornada da UEFA Women's Nations League, incluíndo o partido contra Italia que se xogará no Estadio Municipal de Pasarón de Pontevedra.
Na lista non falta a pontevedresa Tere Abelleira, que estará no que seguro será un dos partidos máis especiais da súa carreira, o España e Italia que se xogará o vindeiro venres 1 de decembro (21.30 horas) na súa cidade. Tampouco as dúas balóns de ouro Alexia Putellas e Aitana Bonmatí.
Ademais do partido fronte a Italia en Pasarón, as campioas do mundo xogarán o día 5 de decembro fronte a Suecia no estadio da Rosaleda, en Málaga.
A concentración arrincará o vindeiro luns, 27 de novembro, na Cidade do Fútbol de Las Rozas.
Esta é a convocatoria completa de 25 futbolistas que xogarán con España no Estadio Municipal de Pasarón:
- Porteiras: Cata Coll, Misa Rodríguez, Enith Salon.
- Defensas: Olga Carmona, Laia Alexandri, Ivana Andrés, Irene Paredes, Laia Codina, María Méndez, Ona Batlle, Oihane Hernández.
- Centrocampistas: Alexia Putellas, Jenni Hermoso, Fianma Benítez, Tere Abelleira, María Pérez, Aitana Bonmatí, Maite Oroz.
- Dianteiras: Mariona Caldentey, Lucía García, Salma Paralluelo, Esther González, Inma Gabarro, Athenea del Castilla, Eva Navarro.
Engade Pontevedra Viva como fonte preferida de Google de balde
Mantente informado coas últimas noticias de actualidade.