A Sociedad Deportiva Teucro púxose ao choio na planificación da próxima tempada na Primeira Nacional.
Co reto de pelexar polo ascenso a Prata, o equipo pontevedrés confirmou este mércores á súa primeira fichaxe.
Trátase dun vello coñecido da afección pontevedresa como André De Moura.
O centra hispano-portugués competiu a última tempada no Reconquista de Vigo, no que foi o máximo goleador do grupo.
Anotou durante a tempada a cifra de 321 goles.
Antes diso defendera as cores do Club Cisne, tanto en Prata como na Liga Asobal.
"Central con capacidade de liderado, desequilibrio e gran lectura de xogo, destaca pola súa personalidade competitiva, capacidade anotadora e visión ofensiva, características que o converteron nun dos xogadores máis determinantes da categoría", asegura o Teucro sobre o primeiro xogador confirmado para o proxecto que dirixirá desde o banco Sergio Carballeira.
"Desde a SD Teucro dámoslle a benvida e confiamos en que a súa chegada sexa o primeiro paso na construción dun novo proxecto con ambición e identidade propia para competir ao máximo en Primeira Nacional a próxima tempada", sinala a entidade pontevedresa.
Engade Pontevedra Viva como fonte preferida de Google de balde
Mantente informado coas últimas noticias de actualidade.