Kike García, adestrador das categorías inferiores do Club Waterpolo Galaico Pontevedra, chegou a un acordo coa Real Federación Española de Natación para impulsar un proxecto de soporte estatístico no waterpolo español.
O técnico analizará o xogo e as estatísticas dos partidos de División de Honra Masculina e Feminina e despois ofrecerá eses datos aos clubs.
O obxectivo é poñer a disposición dos adestradores datos e elementos do xogo difíciles de controlar en directo e axudalos así a afondar nos aspectos tácticos e técnicos dos xogadores.
Trátase dun avance importante a nivel estatal, posto que a obtención de estatísticas é complicada cos actuais medios, que se prolongará dende o mes de novembro ata o último partido do play-off polo título.