As 'zamburguesas', os tobogáns cara ao río Lérez ou as ramplas de gran dificultade volven á Illa das Esculturas.
As estruturas necesarias para crear todos estes obstáculos son xa visibles na zona, que acollerá este sábado 2 de xuño a cuarta edición da Gladiator Race de Pontevedra.
Pechada a inscrición serán finalmente 1.951 os valentes que se darán cita na popular proba deportiva nas súas diferentes categorías.
Ás 12:00 horas comezará a actividade na Illa das Esculturas coas carreiras de menores, a Gladiator Kids, na que tomarán parte 296 nenos e nenas, mentres que despois de comer chegará o momento cume coas diferentes quendas das categorías Warrior (11 quilómetros con 30 obstáculos), e Rocket (6 quilómetros e 20 dificultades), desde as 16:00 horas.
A emoción está servida nun evento que se consolidou no calendario deportivo da cidade.