Ademais do Campionato de Europa en Praga, o atletismo español conta con outros focos de interese durante a fin de semana, e en todos eles estará representado a Sociedad Gimnástica.
En Montijo celébrase o Campionato de España de Lanzamentos Longos, coas especialidades de disco, martelo e xavelina. Alí competirá Víctor Gallego, que chega coa segunda mellor marca entre os participantes de lanzamento de disco e intentará repetir o podio logrado no ano 2012.
Pola súa banda Valencia acollerá o Nacional Júnior en Pista Cuberta, ao que acode Jorge Puig co cuarto mellor tempo nos 1.500 metros e Darío Costas, terceiro do ranking no Héptatlon.
Ademais en San Sebastián terá lugar o Campionato de España de Veteranos, ao que se despraza Alexandre Pazos para tomar parte nos 60 e os 200 metros lisos.