O piragüismo pontevedrés estará amplamente representado no Campionato de Europa Júnior e Sub-23 que se disputará en Poznan (Polonia) do 24 ao 27 de xuño e o Campionato do Mundo das mesmas categorías previsto do 3 ao 6 do próximo mes de setembro en Montemor (Portugal).
Aos padexeiros clasificados para estas competicións na primeira xornada do selectivo nacional que se celebrou no encoro pontevedrés de Pontillón do Castro, sumáronse este venres outras tres embarcacións.
Entre elas destaca o segundo triunfo de Antía Otero (EP Ciudad de Pontevedra) e Valeria Oliveira (Piragüismo Poio Pescamar), ao vencer esta vez no C-2 200 metros da categoría xuvenil, facendo dobrete desta forma coa distancia de 500 metros.
Gran triunfo de Valeria Oliveira y Antía Otero en la final del C2 200 juvenil.
— PiragüismoEspaña (@RFEPiraguismo) May 21, 2021
Claudia Couto y Lucía Graña terminan en la segunda plaza tras una igualada regata. pic.twitter.com/I6DMSGlogS
Ademais David Bautista (EP Ciudad de Pontevedra) xunto ao cangués Yoel Becerra (Náutico Rodeira) venceron no C-2 500 metros xuvenil.
Yoel Becerra y David Bautista ganan en la categoría de C2 masculina juvenil 500 metros.
— PiragüismoEspaña (@RFEPiraguismo) May 21, 2021
Lo han hecho tras una ajustadísima llegada contra Raúl Estevez y Mauro Pardavila.
¡Sigue la acción en Pontevedra! pic.twitter.com/i8sVtx0psq
Por último tamén no C-2 500 pero en idade sub-23 lograron o seu billete ás próximas competicións internacionais o pontevedrés Pablo Crespo (EP Ciudad de Pontevedra) xunto ao cangués Pablo Graña (Náutico Rodeira).
Y así de fuerte empieza el viernes con la regata masculina del C2 500 metros sub-23.
— PiragüismoEspaña (@RFEPiraguismo) May 21, 2021
Victoria para Pablo Graña y para Pablo Crespo. ¡Enormes! pic.twitter.com/pXx7NugH1r
Tras o selectivo a pista de piragüismo David Cal no Pontillón do Castro será escenario durante a fin de semana da Copa de España Sprint sobre as distancias de 200 e 500 metros.