A Sociedad Deportiva Teucro segue avanzando aos poucos na planificación da próxima tempada, conformando o plantel que defenderá a súa camiseta na División de Honra Prata.
Neste sentido, ademais dos xogadores que contarán con praza para todos os efectos no primeiro equipo, a entidade teucrista mira cara á súa base para dar oportunidade aos mozos dentro do seu obxectivo de ir dando cada vez maior protagonismo ás súas categorías inferiores.
Así, tres das súas promesas en idade xuvenil foron elixidos polo corpo técnico que encabeza Irene Vilaboa para entrar na dinámica do primeiro plantel.
Trátase do porteiro Daniel Pérez, a primeira liña Sergio Blond e o lateral esquerdo Manuel Rodríguez, segundo confirmou o club pontevedrés.
Tres canteranos en edad juvenil serán los elegidos por el staff técnico del equipo de #DHPlatamasc para entrar en la dinámica del primer equipo
(@sdteucro) July 28, 2021
Ellos son: Sergio Blond (1ª línea), Daniel Pérez (Portero) y Manuel Rodríguez (Lat Izq)
Enhorabuena ‼️
Brais M. #somosazuis pic.twitter.com/mQJL5l0MJf
Estes tres xogadores únense desta forma a un planteol no que foron confirmados ata a data 10 homes coas renovacións de Caue Herrera, Ricardo González, Miguel Sío, Alejandro Gómez, Víctor Deco, Iago Rodríguez e Pedro Sánchez e os fichados Álvaro Moreno, Gonçalo Morais e Joshua Rau.