O Arosa logrou este sábado un importantísimo triunfo en casa do Barbadás que lle permite escalar á terceira praza da clasificación.
O equipo adestrado por Lusitio sufriu en exceso durante os primeiros 45 minutos, incapaz de triangular e xerar perigo en área dun equipo local que se estaba mostrando moi sólido diante da súa afección.
Con todo, despois de paso polos vestiarios o adestrador arlequinado moveu ficha e deu entrada a Concheiro, Marcos Mella e Iñaki en lugar de Brais Vidal, Enjamio e Martín Diz. Foi un lavado de fronte.
O Arosa mellorou coas substitucións e empezou a baixar o balón e a movelo con maior fluidez para chegar a área rival e conseguir así abrir o marcador. Primeiro anotou Concheiro desde o punto de penalti no minuto 58, mentres que Rubo Blanco fixo o 0-2 no 77.
Este resultado supón un paso adiante dun equipo arousán que enlaza a súa segunda vitoria consecutiva e afiánzase na terceira praza a dous puntos da UD Ourense, cuarta con 33.
Consulta a acta nesta ligazón