O panorama televisivo da Primeira RFEF, categoría á que regresa esta tempada o Pontevedra Club de Fútbol, empeza a aclararse.
A expensas de coñecer si algún operador (todo apunta a LaLiga) ofrecerá a totalidade dos encontros da categoría, a Real Federación Española de Fútbol (RFEF) confirmou este mércores que unha das principais plataformas televisivas das que operan en España, como é Movistar Plus+, emitirá a competición.
En concreto, explica a RFEF, Movistar ofrecerá en directo dez encontros cada xornada no seu paquete básico a través dunha nova canle destinada á categoría, isto é, a metade dos partidos de cada xornada.
Os partidos emitiranse a través do dial 52 da plataforma.
A cota para os ususarios será de 9,99 euros ao mes.
Esta confirmación non exclúe a posibilidade de que unha plataforma emita todos os encontros da Primeira RFEF e que mesmo a Televisión de Galicia poida ofrecer partidos dos equipos galegos, tal e como sucedeu na últimas tempada.
🤝 ¡@MovistarPlus y #PrimeraFederación unen sus fuerzas!
— Primera Federación Versus e-Learning (@Primera_RFEF) August 6, 2025
📺 Diez partidos en directo cada jornada.
ℹ https://t.co/im4EQSb3ck#VersusELearning pic.twitter.com/gDwoyWnel7