Cara e cruz no derbi. Cara para o Ribadumia, que recupera praza de play-off de ascenso, e cruz para un Xuventú Sanxenxo que segue en caída libre, encadea a súa undécima derrota consecutiva e por primeira vez na tempada se mete en postos de descenso.
Non foi un bo partido. O Ribadumia gañou con relativa comodidade a un Sanxenxo con moitas precaucións defensivas, que deixaba a Ramón case illado en punta e sen moitas opcións de inquietar á zaga visitante.
O partido discorría sen moito que contar ata que ÿscar Río se sacou da chistera todo un golazo, cun disparo dende máis de 30 metros que entrou pola escuadra.
Os comezos da segunda parte viron a un Sanxenxo algo máis ambicioso, buscando o empate, pero antes de cumprirse a hora de xogo Álex Gómez conseguía o segundo tanto visitante que remataba coas esperanzas dos de Calucho, máis cando, cos tres cambios realizados, caían lesionados Suso Vidal e Deivi.
XUVENTÿ SANXENXO (0): Vila; Diego Peña, Alfonso, Deivi, Guille (Emilio, min. 34), Mateo (Rubén, min. 61); Suso Vidal, Nel, Jonathan; Cuchi e Ramón (Héctor, min. 64).
CD RIBADUMIA (2): Javi Sánchez; Pacheco, Aran, Miguel Vázquez, ÿscar Río; Sidibé; Sylla (Fran Matos, min. 76), ÿscar Guimeráns, Álex Gómez (David Pérez, min. 82), Adrián Padín (Martín Barreiro, min. 56); e Changui.
Árbitro: Gonzalo Goyanes López (Santiago), auxiliado nas bandas por Abel Fernández Lodeiro e Rubén Rodríguez Vaamonde. Amoestou os xogadores visitantes Sidibé e Sylla.
Goles: (0-1) Minuto 24: ÿscar Río. (0-2) Minuto 59: Álex Gómez.
Incidencias: Campo Municipal de Baltar de Arriba (Sanxenxo). Uns 350 espectadores.