A modelo e semellanza da exitosa Vig-Bay, un medio maratón unirá as localidades de Cambados e O Grove o próximo mes de setembro.
Será o espectacular final do primeiro circuíto popular 'Running Rías Baixas' presentado este venres na Deputación dePontevedra.
A data definitiva aínda está por confirmar, pero a intención é convertela nunha proba de referencia na que os participantes percorran os pouco máis de 21 quilómetros por unha paraxe privilexiada, a beiras da ría de Arousa.
Dúas carreiras máis intégranse neste circuíto popular: a Eurocidade 10 de Tui, cun percorrido de 10 quilómetros que unen á localidade galega coa cidade veciña de Valença e que se celebrará o día 8 de xuño; e a Carreira do Carneiro ao Espeto en Moraña, unha cita fixada para o 20 de xullo sobre un percorrido de oito quilómetros.
A inscrición para o primeiro 'Running Rías Baixas' será de balde e poderase realizar a través da páxina web da Deputación (www.depo.es) ou nos concellos implicados.
Un medio maratón unirá Cambados e O Grove na primeira edición do circuíto 'Running Rías Baixas'
O Salnés
09
de maio
2014
A Deputación de Pontevedra presenta un circuíto de carreiras populares, con inscrición de balde, na que tamén se integran a Carreira do Carneiro ao Espeto de Moraña e a Eurocidade 10 de Tui
Máis novidades