Boa temperatura, ambiente festivo e moito deporte. Con eses ingredientes era difícil non gozar da XVI edición do Torneo 3x3 na Rúa organizado polo Club Baloncesto Arxil.
Máis de 1.000 escolares, de 3º a 6º curso de Primaria, tomaron a Avenida Monterio Ríos durante toda a mañá do xoves para converter a práctica de baloncesto nunha auténtica celebración.
Ata 30 canastras instaláronse na céntrica avenida, onde se xogaron 600 partidos entre os diferentes equipos conformados para a ocasión.
Participaron no torneo alumnos dos centros San José, San Bieito de Lérez, Froebel, Barcelos, Campolongo, Manuel Vidal Portela, Carballal, Álvarez Limeses, Calasancias e Doroteas, ademais da Asociación Virgen de la O.