O renovado Club Bádminton Ravachol empezou con mal pé a tempada en División de Honra, caendo pola mínima ante o Bádminton Oviedo no polideportivo de Tudela Agüeria, en Asturias.
Os puntos para o cadro pontevedrés chegaron da man do dobres feminino, con Georgina Bland e Alexandra Oprisan, que superaron a Kristina Sotomayor e Yulieth Pérez (10-11/10-11/8-11), e os dous individuais femininos, que disputaron Bland e Oprisan contra Laura Álvarez e Pérez (5-11/5-11/1-11), respectivamente.
Pola contra, non puido chegar a vitoria en dobres mixto, con Alejandro Nogueira e Ana Carbón (11-6/11-1/11-3); en dobres masculino, con Gabriel Fernández e Hugo Salgueiro (11-0/11-0/11-0); e os dous individuais masculinos, que disputaron Alejandro Nogueira (11-4/11-4/11-4) e Hugo Salgueiro (11-4/11-1/11-2).