A contagotas. Así está a anunciar a Sociedad Deportiva Teucro a composición do plantel da próxima tempada en función que vai pechando a renovación de moitos dos xogadores que defenderon a camiseta azul a pasada liga.
Nesta ocasión foi a quenda de Víctor Rodríguez, que seguirá no equipo pontevedrés dous anos máis tras chegar a un acordo coa entidade teucrista.
O lateral competirá por un posto en ataque con José Manuel Rial e aspira a seguir sendo un peza importante no esquema defensivo de Quique Domínguez.
Con esta renivación son xa dez os xogadores con contrato en vigor dos 16 cos que quere contar o técnico pontevedrés.
As principais dúbidas agora céntranse en que sucederá con varios xogadores do equipo que aínda non confirmaron o seu futuro, casos de David Chapela, Borja Pedreira, Iago Gómez, Adrián Pumar e Carlos Pombo.