A Selección Española Absoluta, e con ela Tere Abelleira, están a facer historia para o fútbol feminino nacional no Campionato do Mundo que se está a celebrar en Australia e Nova Zelandia.
A futbolista pontevedresa, vivisblemente emocionada, non só foi protagonista sobre o terreo de xogo no partido fronte a Países Baixos no que o combinado nacional logrou este venres a clasificación para as semifinais do Mundial, senón que tamén pasou despois do choque pola zona mixta para atender o departamento de prensa da Real Federación Española.
"O sentimento é de felicidade inmensa. Merecémonolo", afirmou Tere.
Nas súas palabras acordouse ademais "da miña familia, os meus pais están aquí, a miña irmá... De toda a xente que está en España", sinalou, e é que está a vivir un momento histórico que espera que non quede aquí, porque está a só dous partidos do soño de levantar a Copa do Mundo.