Foi unha xornada de diversión, deporte e sobre todo bo ambiente con case 2.200 'gladiadores' na Illa das Esculturas.
A Gladiator Race de Pontevedra consolidouse na súa terceira edición a beiras do Lérez grazas a obstáculos de barro, lume, auga, montañas de madeira ou probas de escalar e reptar, entre moitas outras.
A satisfacción foi total entre participantes, con ganas de pasar unha gran xornada e tamén de superarse.
A todos eles a organización da proba, a cargo de Qualité Sports Events, fíxolles unha homenaxe elaborando un vídeo oficial, que serve para rememorar as emocións vividas e de paso empezar motivar aos deportistas para que repitan na próxima edición.