Co xusto afronta o Club Baloncesto Arxil o primeiro partide do ano na Liga Feminina 2 de baloncesto tras o descanso de Nadal.
Sen aínda substituta para Waleska Pérez tras a súa negativa para regresar a Pontevedra e coa ausencia por lesión de María Centeno, Mayte Méndez viuse obrigada a completar a convocatoria tirando do filial para afrontar o choque na cancha do Universidad de Oviedo (domingo, 12:30 horas).
É un partido importante para as verdes, que pretenden ante o pechacancelas da competición recuperar as boas sensacións, pero atoparanse a un equipo ovetense que a pesar de ir último reforzouse para afrontar o tramo final da tempada.
O Arxil viaxará o mesmo domingo para abaratar custos cunha convocatoria composta por: Carla Fernández, María Lago, Cristina Diáz-Pache, Ana Román, Keita, Aldara Vázquez, Andrea, Carmen e Noa.