Apenas un ano despois Waterpolo e Natación Galaico poden camiñar xuntos de novo.
Ambos os dous clubs negociarán a súa unión en próximas datas tras achegar posturas nas últimas horas, despois de que o waterpolo convocase unha asemblea extraordinaria para discutir sobre a disolución do club ante os problemas para poder adestrar.
Se esta negociación frutifica, o waterpolo volvería integrarse na estrutura do Club Natación Galaico deixando atrás as discrepancias que ocasionaron a súa separación.
Este plantexamento foi aprobado polos socios do Waterpolo Galaico e será levado proximamente a asemblea por parte do club de natación para que poida ser referendado.
A curto prazo, mentres se pecha o acordo entre ambas as entidades, os equipos de waterpolo poderán volver usar as instalacións do Complexo Deportivo Rías do Sur, tras desbloquear a renovación do convenio coa fundación e solucionar así a falta de horas de piscina que amenazaba a súa continuidade.