O Waterpolo Pontevedra asegura a permanencia e xogará polo ascenso

O Club Waterpolo Pontevedra logrou en Rías do Sur unha vitoria crave fronte ao CW Dos Hermanas que lle permite asegurar matematicamente a permanencia en Primeira Nacional e, ademais, certificar a súa presenza no grupo que pelexará polo ascenso.

O conxunto andaluz, penúltimo clasificado, pouco puido facer ante a reacción do equipo local tras un inicio espeso.

O partido arrincou con moitos erros en ataque por parte de ambos os equipos, que se traduciron nun escaso marcador de 0-1 que chegou da man de Silvia, que adiantou ao termo do período inicial.

No segundo cuarto cambiou por completo o guion e o Waterpolo Pontevedra espabiló para, en apenas tres minutos, voltear o marcador con tres tantos consecutivos de Andrea.

Marina respondeu para o cadro andaluz, colocando o 3-2, pero Alba apareceu para anotar o 4-2 co que se chegou ao descanso.

Tras o paso por vestiarios, os ataques impuxéronse ás defensas. Silvia inaugurou o marcador para o Dos Hermanas, pero entre Carmen, Alba e Irene elevaron a renda até o 7-3, deixando o partido moi encarrilado para o Waterpolo Pontevedra. Ao final do terceiro cuarto, o luminoso reflectía un claro 10-5.

O último acto foi máis igualado, cun parcial de 4-3 que confirmou o contundente triunfo por 14-8.

Con este resultado, o Club Waterpolo Pontevedra consegue unha vitoria de enorme valor que lle permite asegurar a permanencia de maneira matemática e sacar o billete para pelexar polo ascenso.

Consulta as estatísticas neste enlace