Bucarest acolle esta fin de semana o Campionato de Europa Sub-21 de Taekwondo, e cara alí diríxense dous dos deportistas da armada pontevedresa.
Xián Silva (Mace Sport) buscará en Romanía repetir a medalla de prata conseguida hai un ano na mesma competición, na categoría de -80 quilos, programada para o sábado 21.
A dúbida para o pontevedrés é o estado no que chega á cita, tras unha lesión que lle obrigou a deter os seus adestramentos durante as últimas semanas.
Tamén acode con esperanzas ao Europeo Pablo Fernández (Mat's de Marín), que competirá o domingo 22 na categorñia de -87 quilos).
O ano pasado debutou nesta competición perdendo en primeira rolda e agora, con máis experiencia, viaxa coa intención de tomarse o seu particular desquite.
No Campionato de Europa Sub-21 están inscritos un total de 290 deportistas.