Paso importante do Club Cisne Balonmán, que pretende ter confirmado o seu plantel antes do inicio oficial dos adestramentos, previsto para o luns 1 de agosto.
O club pontevedrés anunciou este martes tres renovacións de xogadores con ADN cineísta, formados na canteira.
Trátase do lateral esquerdo Fabián González (32 anos), o extremo dereito Pablo Rey (22 anos) e o pivote Miguel Simón (23 anos).
Tras estas renovacións o traballo céntrase agora na contratación doutro extremo, posto que aínda se considera pouco cuberto para afrontar as esixencias da tempada na División de Honra Prata, na que aspiran un ano máis a lograr a permanencia.