A Igrexa da Peregrina ofrece aos seus visitantes unha experiencia única: as impresionantes vistas panorámicas da cidade e os seus arredores desde a cúpula do santuario.
Actualmente, o acceso a esta zona privilexiada está pechado ao público debido ás obras de restauración que se están levando a cabo para resolver problemas de humidade na cuberta e fachadas do templo, cunha duración prevista de seis meses.
Durante este tempo, os visitantes non poderán gozar das vistas desde o alto, pero nas seguintes fotografías, tomadas sorteando os aparellos de obra, poderán apreciar a beleza que se pode divisar desde este miradoiro excepcional: o Centro Histórico de Pontevedra, as rúas e prazas, así como os montes da contorna e o veciño concello de Poio.
