PontevedraViva Radio continúa coa actividade iniciada para este 2026 de fomento da lectura entre estudantes de Primaria e Secundaria.
Esta vez compartiron estudo alumnos de segundo curso de ESO do IES Xunqueira II de Pontevedra.
Federico García Lorca foi o autor sobre o que se centrou a sesión. Tras coñecer detalles da súa biografía e obra, a través de informacións de PontevedraViva e dun audiovisual de RTVEPlay souberon do vínculo de García Lorca con Galicia e con Pontevedra.
Conxugando a parte de incentivación do interese lector con algunhas nocións sobre o medio radiofónico, redactaron e locutaron entrevistas imaxinarias co escritor granadino.
Para completar a actividade, deron lectura a un poema escollido do 'Romancero xitano'. Esta visita se compendia en podcast, xa dispoñible para escoita e descarga.